Чет өлкөлүк абитуриенттер

Подробности

КЫРГЫЗ-ТҮРК «МАНАС» УНИВЕРСИТЕТИ

2025-2026 ОКУУ ЖЫЛЫНЫН БАКАЛАВР ЖАНА ОРТО КЕСИПТИК БИЛИМ ДАРАЖАЛАРЫНА ЧЕТ ӨЛКӨЛҮК ЖАРАНДАРДЫ КАБЫЛ АЛУУ ШАРТТАРЫ

Чет өлкөлүк абитуриенттер:  Кыргыз Республикасы менен Түркия Республикасынан башка чет өлкөлөрдүн, өзгөчө Түрк тилдүү мамлекеттердин жана тектеш коомчулуктардын жарандары.

Документтерди кабыл алуу - 10-июнь  - 18-июль 2025-ж.

Жазуу түрүндөгү сынак - 22-июль 2025-ж.

Оозеки сынак - 23-24 июль 2025-ж.

 

Тапшыруу үчүн талап кылынуучу шарттар:

  1. Чет өлкөнүн жараны болуу (Кыргыз Республикасы менен Түркия Республикасынан) башка, же болбосо Бириккен Улуттар Уюму тарабынан берилген качкын документине ээ болуу.
  2. Кыргыз Республикасынын жана Түркия Республикасынын Улуттук билим берүү министрлиги аныктаган критерийлердин алкагында жогорку билим берүү программасы боюнча окууга укук берген орто билими тууралуу дипломго ээ болуу. Бүтүрүүчү балл 100 системада 70 баллдан, системада 10дон 7ден, системада 5тен 4төн кем эмес болушу керек.
  3. Жогорку билими бар жана бул диплом менен тапшырган абитуриенттин окуу табелинде эң аз дегенде CC деген баа болушу керек.
  4. Билими же жарандыгы бар өлкөнүн жогорку окуу жайына кирүү сынагына катышуу (ОРТ, ЕНТ, ЕГЭ ж.б.у.с.).

Россия Федерациясы, Казакстан жана Монголиялык абитуриенттер үчүн тиешелүү сынактардан алган баллдар боюнча Кабыл алуу комиссиясы тарабынан талап кылынган минималдык баллдар орнотулган.

Россия Федерациясы

Бирдиктүү мамлекеттик экзамендин (ЕГЭ) эң жогорку балл алган эки предметтин орточо упайы кеминде 50 болушу керек.

Казахстан

Бирдиктүү улуттук тестирлөөнүн (ЕНТ) жыйынтыгы 55тен кем эмес болуш керек

Монголия

Монголиянын жалпы мамлекеттик сынагынын эки предмет боюнча орточо баллы 480ден кем эмес болуш керек. Эгерде абитуриент үчтөн ашык предметтен тапшырса, эң жогорку балл алган эки предмет эске алынат.

* Экзамендин жыйынтыктары 2025-жылга таандык болушу керек.

Бул талаптар тапшыруунун минималдуу критерийлери гана болуп саналат жана Кыргыз-Түрк Манас университетине (мындан ары КТМУ) кабыл алынуун кепилдигин бербейт. Башка өлкөлөрдөн келген абитуриенттердин жогорку окуу жайларына бирдиктүү кирүү сынактан алган баллдар үчүн минималдык талаптар кабыл алуу комиссиясы тарабынан белгиленет.

  1. Жогорку окуу жайына кирүү сынагы болбогон өлкөлөрдөн келген абитуриенттер, КТМУ тарабынан өткөрүлгөн сынакка киришет.
  2. Орто мектепти Кыргызстандан бүтүргөн чет өлкөнүн жарандары, ЖРТ сертификаты менен же КТМУ жалпы кирүү сынагынын жыйынтыгы менен тапшыра алышат.
  3. Кыргыз Республикасынын окуу жайларын бүтүргөн Түркия Республикасынын жарандарынан башка чет өлкөлүк жарандар жана Кыргыз Республикасынын жараны болуп туруп башка өлкөнүн жарандыгын алгандар Кыргыз Республикасынын жалпы мамлекеттик экзаменин (ОРТ) сертификаты (босого балддан жогору болуу шарты каралат) менен же Манас-ÖSYM сынагынын жыйынтыгы менен тапшыра алышат.
  4. Университетибизге мурда кабыл алынган жана окуу учурунда сабакка келбей калгандыгы, жетишпегендиги же дисциплинардык жазасы үчүн университеттен бошотулган талапкерлердин документтери кабыл алынбайт.

 

Каттоо үчүн шилтемени басыныз Каттоо

Кошумча маалымат алуу үчүн Этот адрес электронной почты защищён от спам-ботов. У вас должен быть включен JavaScript для просмотра. электрондук почтасы аркылуу кайрылсаныздар болот.